• Kurdî
  • Türkçe
  • English

Şewçila

SEWCILA_resimKovara edebî hunerî Şewçila adare 2011 de dest bi weşana xwu kerd û hîrê aşman ra reyêk vejyena. Şewçila, bi temamî kovarêka kurdkî (zazakî) ya û tena ca dana eseranê edebî yê sey hîkaye, şîîr, nuşteyanê derheqê edebiyat û hunerî de, ancî roportajê ke edîban û hunermendan dir bîyê tede ca gênê. Kovare Dîyarbekir de amade bena û weşanîyena. Kurdîstanê bakurî, Tirkîya û zaf cayanê dinya de vila bena. Hetanî nika 14 hûmarê kovare weşanîyayê.

Amancê kovara Şewçila viraştiş û geşkerdişê edebîyatê modern yê kurdî (zazakî) yo, ancî vejîyayîşê meydanî yê edîbanê neweyan û wendoxanê ke edebîyat ra hes kenê.

Çarês hûmaranê Şewçila de 4 ci ra tercume 104 tene şîîrî, 11 ci ra tercume 90 hîkayeyî, 19 nuşteyê cigêrayîşî yê warê edebî de, 5 roportajî, 9 ceribnayîşê edebî, 15 nuşteyê analîzî yê edebî hunerî, 1 xebera hunerî, 1 sanike û 1 zî mesaj, pêro pîya 245 eserî weşanîyayê.

Çarês hûmaranê Şewçila de 14 cinî 85 camêrd, pêro pîya 99 kesan nuşto. Nînan ra, eserê 22 edîban tercume yê, êyê bînan bîzat kovare rê nuşto. Qismêko muhîm yê nê nuştoxan reya verêne Şewçila de dest bi edîbîye kerdo û eserê edebî uliqnayê.

Verî ke Şewçila vejîya cinîyê edîbî ke bi kirdkî binusê hema vajîn ke belkî yew-di kesî bî. Bi vejîyayîşê Şewçila des ra vêşêr edîbê cinî vejîyayî meydan û qismêko muhîm kitabê înanê edebî neşr bîyî.

Eke ma biyarin vîrê xwu ke Tirkîya de demêko derg, qasê 100 serrî nuştiş û hetta ke qiseykerdişê kurdkî raştê mueyîdeyanê giranan yê cezaî ameyne. Nê şertanê giranan yê tehda ver ewro bitaybetî diyalekta kurdkî zazakî (kirdkî, kirmanckî, dimilkî) lîsteya ziwananê ke ver bi vîndîbîyayîş wa şinê yê UNESCOyî de ca gêna biyarin verê çimî a game ehemîyet û rolê heyatî yê Şewçila fehm beno.     

Edîtor: Roşan Lezgîn 

Zanyarîyên peywendîyê: 

Adresê têkilîye: Elazığ Cd. Diyar Galeria, C Blok, No:9 Yenişehir/Diyarbakır 

Têlefon: 0 412 223 03 69 

E-poste: rlezgin@hotmail.com